Transcription
1
Monseigneur, je suis fort aysé de ce que l’on a decouvert par le moyen
2
de mon chatelain de la Bastie Rolland la trayson que se menoyt dans le
3
Montelhemard pour y mettre les barbares. De l’homme que m’escripves
4
qui s’est vollu attaquer à monsieur d’Allieres, il y a ung moys que je
5
ne l’ay veu en ceste ville et suis marry que je ne l’aye sceu du
6
temps qu’il y estoyt, car je luy heusse faict balher ce qu’il merite,
7
et s’il y revient l’on luy remonstrer sa foillie. Je croys qu’aves souvenance
8
de ce que je le fallis les segondz troubles au pres de Portetreyne. Je ne
9
scavoys que ledit sieur d’Allieres fust parent de feuz madame de
10
Gordes. L’on m’a dict ses jours passes qu’il est en Savoye avec monsieur
11
de La Chambre. Il y a dix jours que je fuz à Vifz avec soixante
12
arquebuziers de ma compagnie, et les italliens et plusieurs de ceste
13
ville, pensant y attrapper quelques ungs qui y biennent courir le
14
jour des marches, et y arrivames à la minuict et ne heust qui
15
allarent prendre de meubles à la maison de madame de Mirabel,
16
estant de retourt au port de Clays, les seigneurs de Mures, de
17
Merieu, et moy femes rendre tout ce que nous peumes, et estans
18
arrivé au lougis de Monsieur de La Thivolliere, ^le sieur^ Maugaron [=Maugiron] et
19
fallimes de nous battre. Nous estions fort faches du desordre
20
que s’estoyt faict à la maison de ladite damoyselle et sans ung
21
grand mal que j’avoys à la jambe ledit desordre ne fust advenu.
22
Je vous supplie que, s’il se presente quelque occasion pour le
23
service du roy et le votre, m’envoyer querir et ma compagnie,
24
laquelle est fort belle. Je ne desire [rature] que d’estre aupres
25
de vous pour fayre apparoistre l’envye que j’ay de vous fayre
26
service, que sera l’endroict où je prie dieu
27
Monseigneur, vous tenir en parfaicte santé, et vous donner tresheureuse
28
et longue vye, de Grenoble, ce XVIIe mars 1574
29
Votre treshumble et tresobeyssant serviteur
30
de[ ?] Gobert
31
Je vous remertie treshumblement tant de
32
bien que journellement [raturé : vous] me faictes que
33
d’avoyr escript à ma faveur à messieurs
34
le president Fleard et Granyeu, qu’aves
35
esté cause que j’ay heu les chateaulx et
36
jurisdiction de Bays sur Bays